जय ट्रफीमा सस्तैमा समेटियो सन्दीपको बागमती
काठमाडौं : जय ट्रफी एलिट कप दुई दिवसीय क्रिकेट प्रतियोगितामा बागमती प्रदेश सस्तैमा समेटिएको छ।
लिगको आफ्नो अन्तिम खेलमा नेपाल पुलिस क्लबविरुद्धको खेलमा बागमती प्रदेश एक सय १२ रनमै समेटिएको हो।
उसका लागि इसान पाण्डेले सर्वाधिक ७१ रन बनाए। ९४ रनको बलको सामना गरेका उनले १० चौकाको मद्दतमा ७१ रन बनाए।
प्याडमा लागेर विकेटतर्फ गइरहेको बल हातले छेकेपछि उनी आउट भएका हुन्। बलिङ भने कुशल भुर्तेलले गरेका थिए।
त्यसबाहेक प्रतिक श्रेष्ठले १२ रन बनाउँदा अन्य खेलाडीले दोहोरो अंकम रन जोड्न सकेनन्।
पुलिसका लागि श्रवण यादवले ह्याट्रिक लिँदा ललित राजवंशीले चार र कुशल भुर्तेलले दुई विकेट लिए।
पुलिसले केहीबेरमा आफ्नो पहिलो इनिङ ब्याटिङ गर्नेछ।
जारी प्रतियोगितामा बागमती प्रदेशको कप्तानी सन्दीप लामिछानेले गर्दा आरिफ शेखले नेपाल पुलिसको कप्तानी गरिरहेका छन्।
पुष २७, २०८१ शनिबार १२:३५:१३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
