जय ट्रफीमा इसान पाण्डेको अर्धशतक

काठमाडौं : जय ट्रफी एलिट कप दुई दिवसीय क्रिकेट प्रतियोगितामा बागमती प्रदेशका इसान पाण्डेले अर्धशतक बनाएका छन्।

लिगको आफ्नो अन्तिम खेलमा बागमती प्रदेशका पाण्डेले नेपाल पुलिस क्लबविरुद्ध अर्धशतक बनाएका हुन्। ६८ बलको सामना गरेका उनले ५३ रन जोडेर खेलिरहेका छन्।

२२ ओभरको खेल सकिँदा बागमती प्रदेश पाँच विकेटको क्षतिमा ७० रन बनाएको छ।

बागमतीका पाण्डेले अर्धशतक बनाएर खेल्दा अन्य कुनै पनि खेलाडीले दोहोरो अंकमा रन जोड्न सकेका छैनन्।

पुलिसका ललित राजवंशीले चार विकेट लिँदा कुशल भुर्तेलले एक विकेट लिएका छन्।

जारी प्रतियोगितामा एकमा जित र एकमा बराबरी खेलेर नेपाल पुलिस क्लब ४० अंकका साथ पहिलो स्थानमा रहँदा दुई खेलमा बराबरी खेलेको त्रिभुवन आर्मी क्लब ३० अंकसहित दोस्रो स्थानमा छ।

दुई खेल नै बराबरी खेलेको बागमती प्रदेश २८ अंकका साथ चौथो स्थानमा रहँदा एकमा हार र एक बराबरी खेलेको मधेश प्रदेश २१ अंकसहित चौथो स्थानमा छ।

अंकतालिकाको पहिलो र दोस्रो स्थानमा रहेको टोलीले माघ १ देखि ३ गतेसम्म हुने फाइनलमा स्थान बनाउनेछन्।

पुष २७, २०८१ शनिबार १०:५५:०५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।