जय ट्रफीमा आज फाइनल अघिका अन्तिम दुई खेल हुँदै
काठमाडौं : जय ट्रफी एलिट कप दुई दिवसीय क्रिकेट प्रतियोगितामा आज फाइनल अघिका अन्तिम दुई खेल हुँदैछन्।
जनकपुरको रामजानकी क्रिकेट मैदानमा नेपाल पुलिस क्लब र बागमती प्रदेशबीचको खेल हुँदा पर्साको नारायणी क्रिकेट मैदानमा त्रिभुवन आर्मी क्लब र मधेश प्रदेशबीचको खेल हुनेछ। दुवै खेल विहान साढे नौ बजेदेखि सुरु हुनेछ।
जारी प्रतियोगितामा एकमा जित र एकमा बराबरी खेलेर नेपाल पुलिस क्लब ४० अंकका साथ पहिलो स्थानमा रहँदा दुई खेलमा बराबरी खेलेको त्रिभुवन आर्मी क्लब ३० अंकसहित दोस्रो स्थानमा छ।
दुई खेल नै बराबरी खेलेको बागमती प्रदेश २८ अंकका साथ चौथो स्थानमा रहँदा एकमा हार र एक बराबरी खेलेको मधेश प्रदेश २१ अंकसहित चौथो स्थानमा छ।
अंकतालिकाको पहिलो र दोस्रो स्थानमा रहेको टोलीले माघ १ देखि ३ गतेसम्म हुने फाइनलमा स्थान बनाउनेछन्।
पुष २७, २०८१ शनिबार ०८:२२:५७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
