जय ट्रफीमा नन्दन यादवको अर्धशतक

काठमाडौं : जय शाह एलिट ट्रफी दुई दिवसीय क्रिकेटमा बागमती प्रदेशका नन्दन यादवले अर्धशतक बनाएका छन्।

त्रिभुवन आर्मी क्लबविरुद्धको खेलको आफ्नो पहिलो इनिङ्समा यादवले अर्धशतक बनाएका हुन्।

८० बल सामना गरेका उनले एक चौका र दुई छक्काको मद्दतमा ५१ रन बनाएर आउट भए। उनलाई आर्मीका साहब आलमले एलबिडब्लू आउट गरे।

जनकपुरको रामजानकी क्रिकेट मैदानमा टस हारेर ब्याटिङ गरेको आर्मीले हिजो पाँच विकेटको क्षतिमा २७६ रन बनाएको थियो।

दुई दिवसीय खेलमा पहिलो इनिङ्समा ६० ओभरको सीमा तोकिएको थियो। ६० ओभरमा आर्मीले २७६ रन बनाएपछि बागमतीले पहिलो इनिङसको ब्याटिङ गरेको हो।

बागमतीले ५० ओभर ब्याटिङ गर्दै ९ विकेट गुमाएर २ सय रन बनाएपछि इनिङ्स डिक्लेयर गरेको थियो। त्यसपछि अहिले पुनः आर्मीले ब्याटिङ गरिरहेको छ।

ताजा अवस्थामा १३.१ ओभर ब्याटिङ गरेको आर्मीले दुई विकेट गुमाएर ५८ रन बनाएर खेलिरहेको छ। अहिले आर्मीले एक सय ३८ रनको अग्रता कायम गरेको छ।

पुष २५, २०८१ बिहीबार १३:१४:२५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।