सल्यानमा नाबालिका दिदीबहिनी घरभित्रै मृत भेटिए, आमा प्रहरी नियन्त्रणमा
काठमाडौं : सल्यानको कुपिण्डे नगरपालिका-११ स्थित सिस्नेपातलमा दुई नाबालिका दिदीबहिनी घरभित्रै मृत भेटिएका छन्।
बुधबार बिहान ३ वर्ष र ६ महिनाका दुई दिदीबहिनी मृत अवस्थामा फेला परेको जिल्ला प्रहरी कार्यालय सल्यानका प्रमुख डीएसपी केशरकुमार न्यौपानेले जानकारी दिए।
उनीहरूसँगै आमा पूर्णिमा राना पनि घरमै थिइन्। बुवा टेकमान राना भने रोजगारीका लागि नुवाकोटमा बस्ने गरेको डीएसपी न्यौपानेले बताए।
उनका अनुसार घटना शंकास्पद देखिएपछि प्रहरीले थप अनुसन्धान अघि बढाएको छ। मृतक बालिकाको घाँटीका डाम देखिएको छ।
प्रहरीले उनीहरूको आमा पूर्णिमाको भूमिका शंकास्पद देखिएपछि उनलाई अनुसन्धानका लागि नियन्त्रणमा लिएको छ।
पुष २४, २०८१ बुधबार १८:१६:३७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
