जय ट्रफीमा आर्मीका इमरान शेखको अर्धशतक
१९ घण्टा अघि
काठमाडौं : जय ट्रफी दुई दिवसीय क्रिकेटमा त्रिभुवन आर्मी क्लबका खेलाडी इमरान शेखले अर्धशतक बनाएका छन्।
बागमती प्रदेशविरुद्धको खेलमा शेखले ८५ बलमा आठ चौकाको मद्दतमा ५६ रन बनाएका हुन्। जारी खेलमा अहिले लन्चको समय भएको छ।
लन्चको समयसम्म जनकपुरस्थित रामजानकी क्रिकेट मैदानमा टस हारेर पहिला ब्याटिङ गरिरहेको त्रिभुवन आर्मी क्लबले एक विकेटको क्षतिमा एक सय २१ रन बनाएर खेलिरहेको छ।
आर्मीका लागि त्रितराज दास ४४ रन बनाएर आउट भए। ७८ बलको सामना गरेका उनलाई बागमतीका कप्तान सन्दीप लामिछानेले एललिडब्लु आउट गरे।
अहिले क्रिजमा इमरान र भिम सार्की छन्। सार्कीले ११ बलको सामना गर्दै एक छक्काको मद्दतमा ८ रन बनाएको छ।
पुष २४, २०८१ बुधबार १२:१७:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
