जय ट्रफीमा पहिलो शतक बनाउने मयन यादवले पुलिसविरुद्ध बनाए अर्धशतक
१६ घण्टा अघि
काठमाडौं : जय ट्रफी दुई दिवसीय क्रिकेटको आफ्नो दोस्रो खेलमा मधेश प्रदेशका खेलाडी मयन यादवले अर्धशतक बनाएका छन्।
बागमती प्रदेशविरुद्धको खेलमा शतक बनाएका मयनले नेपाल पुलिस क्लबविरुद्धको आजको खेलमा अर्धशतक बनाएका हुन्।
७९ बलको सामना गरेका उनले चार चौका र दुई छक्काको मद्दतमा ५१ रन बनाएका हुन्। जय ट्रफीमा शतक प्रहार गर्ने उनी नै पहिलो खेलाडी हुन्।
जारी प्रतियोगितामा पहिलो खेलको पहिलो इनिङ्समा २१ रन बनाएका उनले दोस्रो इनिङ्समा १०६ रन बनाएका थिए।
यादवले नेपाल अन्डर १९ सँगै मधेश प्रदेशको प्रमुख ब्याटरको रुपमा आफूलाई अब्बल साबित गरिरहेका छन्।
पुष २४, २०८१ बुधबार ११:१२:११ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
