सर्वोच्चले प्रतीक थापाको मुद्दामा कैफियत प्रतिवेदन मगाउने आदेश दियो
काठमाडौं : सर्वोच्च अदालतले नक्कली भुटानी शरणार्थीसम्बन्धी मुद्दाका आरोपित प्रतीक थापाबारे कैफियत प्रतिवेदन मगाउने आदेश गरेको छ।
न्यायाधीश सपना प्रधान मल्लको एकल इजलासले आज उक्त प्रकरणमा पूर्वगृहमन्त्री रामबहादुर थापा बादलका छोरा प्रतीकको मुद्दामा कैफियत प्रतिवेदन मगाउने आदेश गरेको हो।
उक्त प्रकरणमा उच्च अदालत पाटन र जिल्ला अदालत काठमाडौंले पुर्पक्षका लागि थुनामा पठाउने आदेश गरेकामा थापाले त्यसविरूद्ध सर्वोच्च अदालतमा आज निवेदन दर्ता गराएका थिए।
सर्वोच्च अदालतका प्रवक्ता अच्युत कुइँकेलका अनुसार सोही निवेदनमाथिको सुनुवाइपछि थप कागजात मगाउने आदेश गरिएको जानकारी दिए।
यसअघि गत असार १४ मा उनी पक्राउ परेका थिए। जिल्ला अदालत काठमाडौंले उनलाई पुर्पक्षका लागि थुनामा पठाउने आदेश गरेपछि त्यसविरूद्ध थापाले उच्च अदालत पाटनमा मुद्दा दायर गरेका थिए।
उच्च अदालतले पनि जिल्लाकै निर्णयलाई सदर गरेपछि उनले धरौटीमा रिहा हुनुपर्ने माग गर्दै सर्वोच्च अदालतमा निवेदन दिएका थिए।
पुष २२, २०८१ सोमबार १७:४९:५४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
