‘पूर्ण बहादुरको सारङ्गी’का निर्देशक पौडेलले ‘कोशेढुंगा’ बनाउने

काठमाडौं : फिल्म ‘कोशेढुंगा’ निर्माणको घोषणा गरिएको छ। व्यवसायिक रुपमा सफल ‘पूर्ण बहादुरको सारङ्गी’ का निर्देशक सरोज पौडेलले फिल्म ‘कोशेढुंगा’ निर्माणको घोषणा गरेका हुन्। पौडेल ‘पूर्ण बहादुरको सारङ्गी’का कथाकार समेत हुन्। उनीमाथि कथा चोरीको आरोपमा प्रहरीमा उजुरी दर्ता भएको छ।

सार्वजनिक भएको फिल्मको थिम पोस्टरले ‘कोशेढुंगा’ सोसल ड्रामामा आधारित भएको देखिन्छ। निर्माण पक्षले जानकारी दिए अनुसार चलचित्र २०८२ मा रिलिज हुनेछ। नरदेवी फिल्मसको प्रस्तुति रहेको चलचित्रमा प्रेविल कँडेल र हरि महतको लगानी रहने छ भने दिनेश खड्का कार्यकारी निर्माता रहेका छन्।

बाबु श्रेष्ठको डीओपी रहने चलचित्र सुरेन्द्र पौडेलले सम्पादन गर्नेछन्। चलचित्रमा संगीत रिदम कँडेल र आशिष अविरलको रहनेछ।

कास्टिङ डिरेक्टर सुवलमणि सापकोटा रहनेछन्। चलचित्रको मुख्य भूमिकामा को-को रहनेछन् त्यो भने निर्माण टिमले जानकारी दिएको छैन।

पुष २१, २०८१ आइतबार १२:०७:३८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।