‘पाँडे’सँगको निकटताका कारण बालेनले ‘लाज शरणम्’का लागि गाए हिपहप गीत
काठमाडौं : काठमाडौं महानगरपालिकाका मेयरसमेत रहेका र्यापर बालेन शाहले फिल्म ‘लाज शरणम्’का लागि गीत गाएका छन्। यो उनको पार्श्व गायनमा डेब्यु हो।
उनको शब्द, संगीत र स्वर रहेको हिपहप गीत रेकर्ड भइसकेको छ।
फिल्म निर्माता कम्पनी जेपीटी क्रिएसनका प्रमुख अर्जुन घिमिरेलेका अनुसार बालेनले देशका लागि फिल्म बनाएको बताएपछि गीत रेकर्ड गर्न तयार भएका थिए।
अर्जुन घिमिरे (पाँडे)सँगको निकटताका कारण पनि बालेनले गीत गाएको बुझिन्छ। बालेनलाई मेयरमा जिताउन अहोरात्र खटिएका अर्जुनकै आग्रहमा बालेनले फिल्ममा गीत गाएका हुन्।
निर्माण टिमले गीतलाई फिल्म रिलिजअघि सार्वजनिक गर्ने तयारी गरेको छ।
बलिदान, स्याभेज, मार्फाको मदिरा, स्टे ट्रु, गोर्खाली तोप, यथार्थ बालेनका चर्चित गीत हुन्।
‘लाज शरणम्’ फिल्म आगामी फागुन १४ मा प्रदर्शन हुनेछ।
पुष १८, २०८१ बिहीबार २०:५४:५० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
