इजरायल विरुद्ध अमेरिकाको टाइम्स स्क्वायरमा प्रदर्शन, नयाँ वर्षको अवसरमा तेस्रो इन्फादा सुरु गर्न माग

एजेन्सी : बुधबार नयाँ वर्षको अवसरमा अमेरिकाको न्युयोर्कस्थित टाइम्स स्क्वायरमा इजरायलविरुद्ध तेस्रो इन्टिफादा सुरु गर्न माग गर्दै प्रदर्शन भएको छ।

इजरायल विरोधी प्लेकार्ड फहराउँदै प्रदर्शनकारीहरूले जियोनवाद क्यान्सर हो, इरानविरुद्ध युद्ध होइन अनि इजरायललाई सबै अमेरिकी सहायता रोक्न माग गरेका थिए।

प्यालेस्टिनी युवा आन्दोलन, समाजवाद र मुक्तिको लागि पार्टी र पिपुल्स फोरमले आयोजना गरेको प्रदर्शन हो।

न्युयोर्क पोस्टको रिपोर्ट अनुसार, प्रदर्शनकारीहरूले ‘एकमात्र समाधान इन्फादा हो’, ‘विरोध शानदार छ’, ‘हामी जित्नेछौं’ र ‘गाजामा हामीलाई गर्व छ’ लगायतका नाराहरू लगाएका थिए।

सामाजिक सञ्जालमा भाइरल भएको भिडियोमा एक महिला प्रदर्शनकारीले गोरा जनतालाई गाली गर्दै भनेकी छन्, ‘हामी तिमीलाई युरोप फिर्ता पठाउँदैछौँ। युरोप फर्क, युरोप फर्क।’

एक प्रदर्शनकारीले मेगाफोनमा ‘सन् २०२४ सियोनिज्मको अपराध विरुद्ध संघर्षको वर्ष हो’ भन्दै कराए।

‘जियोनिज्म’ एक धार्मिक र राजनीतिक आन्दोलन हो, यसले इजरायलको ऐतिहासिक क्षेत्रमा यहूदी राज्यको पुनर्स्थापनालाई समर्थन गर्दछ।

पुष १८, २०८१ बिहीबार १३:४१:३८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।