शुक्रबार १९ पुस, २०८१
खुर्सानीको बोराभित्र लुकाएर लागूऔषध ओसारपसार, एक जना पक्राउ
२ दिन अघि
वीरगञ्ज : वीरगञ्ज महानगरपालिका-१६ भन्सार ईलाकामा खुर्सानीको बोराभित्र लुकाएर लागूऔषध ओसारपसार गर्ने एक जना पक्राउ परेका छन्।
पक्राउ पर्नेमा जिल्लाको बहुदमाई गाउँपालिका-३ नगरदाहा बस्ने अन्दाजी ३६ वर्षिय मिश्री राम रहेका छन्। उनलाई सशस्त्र प्रहरी बल नेपाल प्रस्तावित सीमा सुरक्षा गुल्म वीरगञ्जले नियन्त्रणमा लिएको हो।
भारतबाट पैदल आउँदै गरेका उनले टाउकोमा बोकी ल्याउँदै गरेको हरियो खुर्साको बोराभित्र लुकाई छिपाई राखेको डाईजापाम ४ सय ९० एम्पुल, बुप्रेनोर्फिन ४ सय ९९ एम्पुल, नोफिन २ सय ९७ एम्पुल र प्रोमाथाजिन हाईड्रोक्लोराईड ईन्जेक्सन ४ सय ९७ एम्पुल फेला पारेको हो।
नियन्त्रणमा लिएका उनलाई बरामद लागूऔषधसहित आवश्यक कारवाहीको लागि सम्बन्धित नियकायमा बुझाइएको सशस्त्र प्रहरी बलले जनाएको छ।
पुष १६, २०८१ मंगलबार १०:४८:४० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
