एनपिएल विजेता जनकपुर बोल्ट्सको सिरहामा हर्षबढाइँ

सिरहा : नेपाल प्रिमियर लिग एनपिएल विजेता टोली जनकपुर बोल्ट्सका खेलाडीलाई सिरहामा आज स्वागत गरिएको छ। जिल्ला क्रिकेट संघ सिरहा र सिरहा नगरपालिकाको संयुक्त आयोजनमा खेलाडीलाई स्वागत गरिएको हो। 

सिरहा सदरमुकाममा परिक्रमा गरी विजय उत्सव मनाइएको थियो। खेलाडी सहभागी रहेको र्यालीमा हजारौं समर्थक सहभागी थिए। खेलाडी र व्यवस्थापन पक्षलाई बाजागाजासहित स्वागत गर्दै ट्रफी परेड गरिएको थियो। 

कप्तान अनिल साहको नेतृत्वको टोलीलाई सिरहा नगरपालिकाको सीमा पदमपुरमा जिल्ला क्रिकेट संघका अध्यक्षसमेत रहनुभएका मधेश प्रदेश क्रिकेट संघका अध्यक्ष सुनिल महासेठ नेतृत्वको टोलीले स्वागत गरेको थियो। त्यसपछि चोकचोकमा स्थानीयले टोलीको विजयमा हर्षबढाइँ गरेका थिए। 

उपाधिसहित मधेश प्रदेशका आठवटै जिल्लामा पुग्ने पूर्वघोषित कार्यक्रमअनुसार विजयी टोली सिरहा पुगेको हो।

आइतबार रौतहटमा खेलाडीलाई सम्मान गरिएको थियो।  

पुष १५, २०८१ सोमबार २२:००:३४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।