एनपिएलका विजेता र उपविजेता शेख दाजुभाइलाई वीरगञ्जमा भव्य सम्मान
वीरगञ्ज : नेपाल प्रिमियर लिग एनपिएलको उपाधि चुम्ने जनकपुर बोल्ट्सका मार्की खेलाडी आसिफ शेख र उपविजेता बन्ने सुदूरपश्चिम रोयल्सका खेलाडी आरिफ शेखलाई गृहजिल्ला पर्सामा नगदसहित प्रशंसापत्रले सम्मान गरिएको छ।
हालै सम्पन्न भएको एनपिएलमा वीरगञ्ज महानगर-१२ मुर्ली नयाँटोलका शेख दाजुभाइ फरक-फरक टिमबाट सहभागी भएका थिए।
वीरगञ्ज-१० कार्यालयद्वारा आयोजित कार्यक्रममा दुवै खेलाडीलाई जनही ५१ हजार नगदसहित प्रशंसापत्रले सम्मान गरिएको हो।
वीरगञ्ज-१० का वडाध्यक्ष सुशील साह कानुले वीरगञ्जको प्रतिनिधित्व गर्दै दुवै खेलाडीले एनपिएलमा उत्कृष्ट प्रदर्शन गर्दै वीरगञ्जको नाम राख्न सफल भएको बताए।
समान ग्रहणपछि जनकपुर बोल्ट्सका आसिफले यस्ता खालका सम्मानले खेलाडीलाई थप उत्साह थप्ने बताए भने सुदूरपश्चिम रोयल्सका आरिफले आगामी दिनमा खेललाई अझै निखार्दै उत्कृष्ट प्रदर्शन गर्ने सुनाए।
पुष ११, २०८१ बिहीबार १५:२९:१५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
