अफगानिस्तानको दाबी- ‘पाकिस्तानको हवाई आक्रमणमा धेरै मानिसको मृत्यु भयो’
एजेन्सी : अफगानिस्तानको रक्षा मन्त्रालयले पाकिस्तानी सेनाले देशको पक्तिका प्रान्तको बर्मल जिल्लामा हवाई हमला गरेको आरोप लगाएको छ।
यो हमलामा केही व्यक्तिको मृत्यु भएको छ भने धेरै व्यक्ति घाइते भएका छन्। यद्यपि पाकिस्तानी सेनाले आक्रमणको पुष्टि गरेको छैन।
अफगानिस्तानको रक्षा मन्त्रालयले सामाजिक सञ्जाल प्लेटफर्म एक्समा तीनवटा पोस्ट गरेको छ। मारिने र घाइते हुनेमा अधिकांश वजिरिस्तानका शरणार्थी रहेको दाबी गरिएको छ।
रक्षा मन्त्रालयले एक विज्ञप्तिमा भनेको छ, ‘हामी यसको निन्दा गर्छौँ र यो हमला अन्तर्राष्ट्रिय नियमको उल्लंघन हो। पाकिस्तानले याद राख्नुपर्छ कि यस्ता आक्रमण समस्याको समाधान होइन।’
पाकिस्तानले पटकपटक ‘तेहरिक-ए-तालिबान’ संगठनले अफगानिस्तानको माटो पाकिस्तानविरुद्ध प्रयोग गरिरहेको बताएको छ।
पुष १०, २०८१ बुधबार ११:३४:२५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
