अमेरिकामा चलिरहेको ट्रेनमा सुतेकी महिलाको आगो लगाएर हत्या, एक जना पक्राउ
एजेन्सी : अमेरिकाको सबवे ट्रेनमा सुतिरहेकी महिलालाई आगो लगाएर हत्या गरेको आरोपमा प्रहरीले एक जनालाई पक्राउ गरेको छ।
अमेरिकाको न्युयोर्कस्थित ब्रुकलिनमा ट्रेनमा सुतिरहेकी एक महिलालाई एक पुरुषले लाइटरले आगो लगाउँदा उनको घटनास्थलमै मृत्यु भएको थियो।
प्रहरीले आगो लगाउने आरोपीलाई अर्को सबवे ट्रेनबाट पक्राउ गरेको प्रहरी कमिश्नर जेसिका टिशले जानकारी दिइन्।
आइतबार बिहान करिब साढे सात बजे ती आरोपी महिला भएको ठाउँमा आएका थिए। आक्रमणअघि ती महिला र आरोपीको कहिल्यै भेट नभएको प्रहरीले जनाएको छ।
गस्तीमा रहेका प्रहरी आगो निभाउन दौडेपछि संदिग्ध व्यक्तिले रेलबाट हाम फालेर भागेका थिए।
पुलिस कमिश्नरले भनिन्, ‘हामीले एक व्यक्तिलाई ट्रेनभित्र आगोमा पूरै जलेको देख्यौँ।’
प्रहरीले पीडितको पहिचान र घटनाको कारण पत्ता लगाउन प्रयास गरिरहेको उनले बताइन्।
पुष ८, २०८१ सोमबार ०८:१९:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
