भारतमा श्रीमती लिएर किनमेल गर्न गएका सुदूरपश्चिमका राज्यमन्त्री प्रकाश बम घाइते
सुदूरपश्चिम : श्रीमती र सहयोगी लिएर भारतको पालियामा किनमेल गर्न जाँदा गाडी दुर्घटनामा परेर सुदूरपश्चिम प्रदेशका आर्थिक मामिला राज्यमन्त्री प्रकाश बम घाइते भएका छन्।
राज्यमन्त्री बम चढेको प्रदेश ३-०१-०२४ च नम्बरको मोटर शनिवार साँझ भारतको पलिया बजार नजिक दुर्घटनामा परेको कैलाली जिल्ला प्रहरी कार्यालयका प्रहरी निरीक्षक दर्शन खड्काले जानकारी दिए।
दुर्घटनामा राज्यमन्त्रीकी श्रीमती कल्पना बम र सहयोगी पदम देउवासमेत घाइते भएका छन्। घाइतेको धनगढीस्थित निसर्ग अस्पतालमा उपचार जारी छ।
राज्यमन्त्रीको अवस्था सामान्य छ। उनीहरू भारतको खिरी जिल्लास्थित पलिया बजारमा किनमेल गरेर फर्किने क्रममा दुर्घटना भएको हो।
पुष ६, २०८१ शनिबार २२:१३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
