एनपिएलको फाइनल हेर्न सिमेन्टका पिलरदेखि रूख चढ्न बाध्य दर्शक (तस्बिरहरू)
काठमाडौं : नेपाल प्रिमियर लिग एनपिएलको फाइनल हेर्न कीर्तिपुरमा दर्शकको भीड थामिनसक्नु छ।
फाइनलका लागि हजारौं दर्शक स्टेडियममा ओइरिएका छन्। दर्शकले चिसो भुइँमा थच्किन पनि पाएनन्। सिमेन्टका पिलरदेखि रूखका हाँगा-हाँगामा बसेर फाइनल हेर्न बाध्य छन्। उनीहरू रूखबाटै आआफ्नो पक्षका टिमको समर्थनमा चर्को हुटिङसहित समर्थन गरिरहेका छन्।
फाइनल हेर्न पूर्वप्रधानमन्त्रीहरू शेरबहादुर देउवा, पुष्पकमल दाहाल प्रचण्ड, गृहमन्त्री रमेश लेखक, सुदूरपश्चिमका मुख्य मन्त्री कमल शाह, नेता राजेन्द्र महतोलगायतका शीर्ष नेता पनि पुगेका छन्।
सुदूरपश्चिमको कप्तानी दीपेन्द्रसिंह ऐरी र जनकपुरको कप्तानी आशिफ शेखले सम्हालेका छन्।
पुष ६, २०८१ शनिबार १६:१९:२८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
