एनपीएलको फाइनल हेर्न कीर्तिपुरमा थामिनसक्नु भीड
काठमाडौं : नेपाल प्रिमियर लिग (एनपीएल)को फाइनल हेर्न कीर्तिपुरमा दर्शकको भीड लागेको छ।
दिउँसो साढे १२ बजेदेखि सुदूरपश्चिम रोयल्स र जनकपुर बोल्ट्सबीच खेल सुरु हुने भए पनि कीर्तिपुर क्षेत्रमा बिहानैदेखि समर्थकहरूको भीड लागेको हो।
फाइनल खेलको लागि निर्धारण गरिएको टिकट खुलेको केहीबेरमा बिहीबार नै सोल्डआउट भएको थियो।
टिकटको जिम्मेवारी पाएको खल्तीले सबै टिकट विक्री भइसकेको जानकारी दिँदै घरमै बसेर टेलिभिजनबाट प्रत्यक्ष प्रसारण हेर्न अनुरोध गरेको थियो।
सुदूरपश्चिम रोयल्सको कप्तानमा दीपेन्द्रसिंह ऐरी छन् भने जनकपुर बोल्ट्सको कप्तानमा आशिफ शेख रहेका छन्।
पुष ६, २०८१ शनिबार १२:०६:१७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
