जनकपुरको दुर्गा मन्दिर परिसरमा एक पुरुषको शव भेटियो
जनकपुर : जनकपुरधाममा एक पुरुषको शव फेला परेको छ।
जनकपुरधामको विद्यापती चोकस्थित दुर्गा मन्दिर परिसरमै एक जना पुरुषको शव फेला परेको जिल्ला प्रहरी कार्यालयले जनाएको छ।
प्रहरीका अनुसार अन्दाजी ४५-५० वर्षको पुरुषको अनुहारमा कुनै वस्तुले प्रहार गरेको देखिएको छ।
घटनास्थलमा तालीम प्राप्त कुकुरको टोली परिचालन गरिएको धनुषाका एसपी भुवनेश्वर तिवारीले जानकारी दिए।
एता स्थानीयहरुले राती मापसे गरेर केही व्यक्तिले होहल्ला गर्दै गरेको सुनेको बताए।
दिनहुँ मापसे गरेर मन्दिर छेउबाट मान्छेहरू हिँड्ने भएकाले वास्ता नगरेको उनीहरुको भनाइ छ।
घटना सम्बन्धी अनुसन्धान भइरहेको धनुषा प्रहरीले जनाएको छ।
पुष ५, २०८१ शुक्रबार १३:४३:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
