यु१९ महिला एसिया कपमा नेपाल र बंगलादेशबीच टस पनि हुन सकेन
काठमाडौं : मलेसियामा जारी एसिसी यु१९ महिला एसिया कपमा नेपाली युवा टोली र बंगलादेशबीचको खेलमा टस हुन सकेको छैन।
मलेसियाको बायोमास ओभल क्रिकेट मैदानमा नेपाली समय अनुसार बिहान ११ः१५ मा हुनुपर्ने टस वर्षाका कारण हुन नसकेको हो।
फाइनलमा भारतसँगको भेट पक्का गर्न नेपाली टोलीले आजको खेलमा बंगलादेशलाई पराजित गर्नुपर्ने हुन्छ।
यदि खेल रद्द भएको अवस्थामा नेट रनरेटका आधारमा समान चार अंक रहेको बंगलादेशले फाइनल खेल्नेछ। फाइनल आइतबार हुनेछ।
जारी प्रतियोगितामा नेपालले पहिलो खेलमा पाकिस्तानलाई पराजित गरेर सुपर फाेरमा प्रवेश गरेको हो। दोस्रो खेल वर्षाका कारण रद्द हुँदा नेपालले भारतसँग अंक बाँडेको थियो।
त्यसैगरी सुपर फोरकाे पहिलो खेलमा नेपाल र श्रीलंकाले अंक बाँडेका छन्। पहिलो ओभरको खेल सकिँदा पानी परेपछि बिहीबारको खेल स्थगित भएको थियो।
पुष ५, २०८१ शुक्रबार १२:०९:२८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
