धापासीको आगलागी नियन्त्रणमा
काठमाडौं : टोखा नगरपालिका वडा नम्बर ६ धापासीको शिव मन्दिर हाइटस्थित एक घरमा भएको भीषण आगलागी नियन्त्रणमा आएको छ।
भाइकाजी श्रेष्ठको साढे तीन तलाको घरमा आज साँझ ५ बजेतिर भएको आगलागी नियन्त्रणमा आएको जिल्ला प्रहरी परिसर काठमाडौँका एसपी नवराज अधिकारीले बताए।
आगलागी हुँदा घर पूर्णरुपमा जलेर नष्ट भएको टोखा-६ का वडाअध्यक्ष शान्ता पौडेलले जानकारी दिए।
साँझ ५ बजेको समयमा ग्यास लिक हुँदा आगलागी भएको थियो। ठूलो कम्पाउण्डमा घर भएको कारण अन्य घरमा भने क्षति नपुगेको वडाध्यक्ष पौडेलले बताए।
आगलागी भए लगत्तै खबर गरेपछि प्रहरी परिचालन गरिएको थियो। काठमाडौं, भक्तपुर र ललितपुरको दमकल र नेपाल प्रहरी र स्थानीयको सहयोगमा आगो निभाएका थिए।
आगलागीबाट भएको क्षतिको विवरण भने आइसकेको छैन।
पुष ४, २०८१ बिहीबार २१:०९:४० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
