नन्दिता केसीले अमेरिकामै जन्माइन् पहिलो सन्तान
काठमाडौं : अभिनेत्री नन्दिता केसीले पहिलो सन्तानलाई जन्म दिएकी छन्। विवाहपछि अमेरिकामा बस्दै आएकी केसीले बुधबार पहिलो सन्तानलाई जन्माएकी हुन्।
गत वर्ष अरविन्द्र कटवालसँग विवाह बन्धनमा बाँधिएकी उनलाई अभिनेत्री रेखा थापा, केकी अधिकारी, श्वेता खड्का, यूना उप्रेती, उषा पौडेल लगायतका कलाकारहरुले बधाई दिएका छन्।
लामो समयदेखि अमेरिकामा बस्दै आइरहेकी नन्दिताले गत भदौमा बेबी बम्पसहितको तस्बिर सार्वजनिक गर्दै आफू आमा बन्न लागेको जानकारी गराएकी थिइन्।
फिल्म ‘इन्द्रेणी’बाट फिल्म करिअर थालेकी केसीको पछिल्लो फिल्म ‘जंगबहादुरको कोट’ हो। यो फिल्म सन् २०१६ मा रिलिज भएको थियो।
उनले ‘हामी तीन भाइ’, ‘बाटो मुनीको फूल’, ‘बसमा छैन यो मन’, ‘त्रिशुल’, ‘मृगतृष्णा’, ‘सपना’, ‘तिमी मात्र तिमी’ लगायतका फिल्म खेलेकी छन्।
पुष ४, २०८१ बिहीबार २०:०६:३९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
