यु१९ महिला एसिया कपमा नेपाल र श्रीलंकाबीचको खेल रद्द
काठमाडौं : एसीसी यु१९ महिला एसिया कपको सुपर फोरमा नेपाल र श्रीलंकाबीचको खेल रद्द भएको छ।
नेपालकी कप्तान पूजा महतोले टस जितेर पहिलो ओभर बलिङ गरेपछि वर्षा भएसँगै खेल रद्द भएको हो। योसँगै दुवै टोलीले एक-एक अंक बाँडेका छन्।
अब भारत तीन खेलमध्ये दुईमा जित निकालेर पाँच अंकसहित तालिकाको शीर्ष स्थानमा रहँदा बंगलादेश समान खेलमा चार अंकसहित दोस्रो स्थानमा छ।
तीन खेलमै समान चार अंक रहेको नेपाल नेट रनरेटका आधारमा तेस्रो स्थानमा रहँदा श्रीलंका तीन अंकसहित तालिकाको पुच्छारमा छ।
नेपालले अब भोलि बंगलादेशसँग आफ्नो अन्तिम खेल खेल्नेछ। उक्त खेलमा बंगलादेशलाई पराजित गरे नेपालले फाइनल खेल्नेछ।
आफ्नो समूह चरणको खेलमा नेपालले पाकिस्तानलाई छ विकेटले पराजित गर्दा भारतसँगको खेल वर्षाका कारण रद्द भएको थियो।
पुष ४, २०८१ बिहीबार १३:३५:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
