१७ वर्षीया किशोरीको हत्या आरोपमा २४ वर्षीय पुरुष पक्राउ
काठमाडौं : १७ वर्षीया किशोरीको हत्या आरोपमा प्रहरीले एक पुरुषलाई पक्राउ गरेको छ।
पक्राउ पर्नेमा धादिङ गजुरी गाउँपालिका-३ घर भई काठमाडौं महानगरपालिका-१४ खड्का गाउँ बस्ने २४ वर्षीय विश्वास तामाङ रहेका छन्। उनलाई बुधबार राति प्रहरीले पक्राउ गरेको हो।
विश्वासले चन्द्रागिरी नगरपालिका-१० सतुङ्गल खरिबोट डेरा गरी बस्ने धादिङ गजुरी गाउँपालिका-४ घर भएकी १७ वर्षीया सरिता तामाङको हत्या गरेको प्रहरीको आरोप छ।
सरिता आफ्नै कोठामा बुधबार दिउँसो मृत अवस्थामा फेला परेको घटनाको अनुसन्धानको क्रममा जिल्ला प्रहरी परिसर काठमाडौंबाट खटिएको प्रहरीले घटनामा संलग्न विश्वासलाई पक्राउ गरेको हो।
घटनाबारे प्रहरीले अनुसन्धान गरिरहेको छ।
पुष ४, २०८१ बिहीबार १२:१८:५७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
