लिग कपमा लिभरपुलले साउथह्याम्पटनलाई हरायो, ग्याब्रिएल जेससको ह्याट्रिक
काठमाडौं : इंग्लिस फुटबल लिगको शीर्ष स्थानमा रहेको लिभरपुलले बुधबार लिग कपको सेमिफाइनल यात्रा तय गरेको छ।
लिभरपुलले प्रिमियर लिगमा रेलिगेसनबाट बच्न संघर्षरत साउथह्याम्पटनलाई २-१ ले हराएको छ।
त्यसमा आर्ने स्लटको टिमका लागि डार्विन नुनेज र हार्भे इलिटले गोल गरे। यस्तै आर्सनलले भने क्रिस्टल प्यालेसको चुनौतीलाई ३-२ ले समाप्त पारेको हो।
आर्सनलको जितको नायक ग्याब्रिएल जेसस रहे। उनले ह्याट्रिक गरे।
ब्राजिली खेलाडीले तीनै गोल दोस्रो हाफमा गरेका हुन्। न्युकासलले भने ब्रेन्टफोर्डलाई ३-१ ले पराजित गरेको हो।
त्यसमा सान्ड्रो टोनालीले दुई गेल गरे। अब बिहीबार हुने अन्तिम क्वाटरफाइनलमा टोटनहमले म्यानचेस्टर युनाइटेडको सामना गर्नेछ।
पुष ४, २०८१ बिहीबार ०८:२१:४४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
