१५ वर्षीया बालिका बलात्कार गरेको आरोपमा २१ वर्षीय युवा पक्राउ
धनकुटा : १५ वर्षीया बालिकालाई जबरजस्ती करणी गरेको आरोपमा प्रहरीले एक युवालाई पक्राउ गरेको छ।
पक्राउ पर्नेमा धनकुटा नगरपालिका-३ स्याउले मोड डेरा गरी बस्ने सिन्धुली सुनकोशी गाउँपालिका-७ गैरीटोल ठेगाना भएका २१ वर्षीय लिलाबहादुर विश्वकर्मा रहेका छन्।
उनलाई मंगलबार साँझ प्रहरीले पक्राउ गरेको हो।
लिलाबहादुरले ती बालिकालाई आफ्नै डेरा कोठामा लगि ललाईफकाई सोमबार राति जबरजस्ती करणी गरेको भन्ने उजुरीको आधारमा जिल्ला प्रहरी कार्यालय धनकुटाबाट खटिएको प्रहरीले उनलाई पक्राउ गरेको हो।
यस सम्बन्धमा प्रहरीले आवश्यक अनुसन्धान गरिरहेको छ।
पुष ३, २०८१ बुधबार १२:१८:३१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
