जेलेन्स्कीको दाबी 'रूसले अब शान्ति भत्काउन सक्दैन, अर्को वर्ष युद्ध अन्त्य हुन्छ'

एजेन्सी : युक्रेनी राष्ट्रपति भोलोदिमर जेलेन्स्कीले रूसले तोड्न नसक्ने वास्तविक, स्थायी शान्तिका लागि आह्वान गर्दै अर्को वर्ष युद्ध अन्त्य हुने आशा व्यक्त गरेका छन्। 

जेलेन्स्कीले टालिनमा संयुक्त अभियान बल (जेइएफ) शिखर सम्मेलनमा भिडियो सम्बोधनमा यस्तो भएका हुन्। सम्मेलनमा यो हप्ता १० उत्तरी युरोपेली मुलुकका प्रतिनिधिहरू भेला भएका थिए।

'हामी सबैले बुझ्छौँ कि अर्को वर्ष यो युद्ध समाप्त हुने वर्ष हुनसक्छ। हामीले यसलाई सम्भव बनाउनुपर्छ, जेलेन्स्कीले भने, 'हामीले शान्ति स्थापना गर्न आवश्यक छ जुन (रूसी राष्ट्रपति भ्लादिमिर) पुटिनले अब तोड्न सक्नु हुनेछैन, शान्ति एक विराम मात्र होइन, तर वास्तविक, स्थायी शान्ति हो।'

अमेरिकी राष्ट्रपतिमा निर्वाचित डोनाल्ड ट्रम्पले जनवरीमा पदभार ग्रहण गर्दा लडाइँ रोक्न द्रुत सम्झौता गर्न दबाब दिने प्रतिज्ञा गरेका थिए। यसले किएभ र युरोपमा युक्रेनलाई मस्कोमा सहुलियत दिन दबाब दिन सक्ने डर उत्पन्न गरेको छ। 

जेइएफ सम्मेलनका सदस्यहरूले पनि उचित र स्थायी शान्तिको महत्त्वलाई जोड दिए। जेइएफमा इस्टोनिया, लाटभिया र लिथुआनिया जस्ता बाल्टिक राज्यहरू, डेनमार्क, फिनल्यान्ड, आइसल्याण्ड, नर्वे र स्विडेन जस्ता नर्डिक राज्यहरू, साथै नेदरल्यान्ड्स र संयुक्त राज्य अधिराज्य समावेश छन्। 

ती मुलुकले युक्रेनलाई आफ्नो सैन्य सहायता आउँदो वर्ष १२ अर्ब युरोसम्म पुर्याउने बताएका छन्। 

पुष २, २०८१ मंगलबार २०:५८:०८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।