आजदेखि लागू हुने गरी पेट्रोलको मूल्य बढ्यो
काठमाडौं : नेपाल आयल निगमले आजदेखि लागू हुनेगरी पेट्रोलको मूल्य बढाएको छ।
आइतबार साँझ एक विज्ञप्ति निकालेर निगमले पेट्रोलमा प्रतिलिटर २ रुपैयाँ बढाइएको तथा डिजेल र मट्टितेलमा भने प्रतिलिटर २ रुपैयाँले घटाइएको जानकारी गराएको हो।
योसँगै आजदेखि काठमाडौं, पोखरा र दीपायल डिपो अन्तर्गतका पेट्रोल पम्पमा पेट्रोल हाल्दा प्रतिलिटर १६२ रुपैयाँ तिर्नुपर्छ। यी क्षेत्रमा डिजेल र मट्टितेलको मूल्य १५१ रुपैयाँ कायम गरिएको छ।
त्यस्तै, सुर्खेत र दाङ डिपो अन्तर्गतको क्षेत्रमा पेट्रोल १६१ रुपैयाँ र डिजेल तथा मट्टितेल १५० रुपैयाँ कायम भएको छ।
बाँकी क्षेत्रमा पेट्रोल १५९.५० रुपैयाँ र डिजेल मट्टितेल १४८.५० रुपैयाँ पर्ने निगमले जनाएको छ।
पुष १, २०८१ सोमबार ०८:४४:२९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
