एनपिएल : पोखरा एभेन्जर्सलाई हराउँदै फ्लेअफमा सुदूरपश्चिम
काठमाडौँ : नेपाल प्रिमियर लिग (एनपिएल) को अन्तिम खेलमा पोखरा एभेन्जर्स सुदूरपश्चिम रोयल्ससँग पराजित भयो। यो नतिजासँगै सुदूरपश्चिम प्लेअफमा पुगेको छ भने पोखरा लिगबाटै बाहिरिएको छ।
आइतबारको दोस्रो खेलमा पोखरा सुदूरपश्चिमसँग ५ रनले पराजित भयो। सुदूरपश्चिमले पोखरालाई १ सय ५४ रनको लक्ष्य दिएको थियो। तर पोखरा १९.४ ओभरमा १ सय ४८ रन बनाउँदै अल आउट भयो।
पोखराका लागि आन्द्रेश गौसले सर्वाधिक ३६ रन जोडे। कप्तान कुशल भुर्तेलले एक रन पनि लिन नसकी आउट भएका थिए। टस हारेर पहिले ब्याटिङ गरेको सुदूरपश्चिमले निर्धारित २० ओभरमा ७ विकेट गुमाएर १ सय ५३ रन बनाएको थियो।
सुदूरपश्चिमका लागि आरिफ शेखले सर्वाधिक ४२ रन बनाए। ब्राण्डन मक्मुलनले १६ बलमा १ चौका र २ छक्काको सहयोगमा २३ रन बनाएका थिए।
मंसिर ३०, २०८१ आइतबार १६:३६:२८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
