हेल्प नेपाल स्पोर्ट्स क्लबलाई हराउँदै भारतको क्यालिकटले काभा मेन्स भलिबलको उपाधि जित्यो
काठमाडौं : पहिलो संस्करणको काभा मेन्स भलिबल क्लब च्याम्पियनसिपमा भारतको क्यालिकटले उपाधि जितेको छ।
घरेलु टोली नेपालको हेल्प नेपाल स्पोर्ट्स क्लबलाई ३–१ को सहज नतिजामा हराउँदै क्यालिकट उपाधि जित्न सफल भएको हो।
घरेलु टोली विरूद्ध सुरूवात राम्रो गर्दै २५–२१ ले पहिलो सेट क्यालिकटले जित्यो। दोस्रो सेटमा नेपाल खेलमा फर्कन सफल रह्यो। २६–२४ ले दोस्रो सेट जित्दै खेललाई १–१ को बराबरीमा पुर्यायो तर यसपछि हेल्प नेपालले लय लिन सकेन।
नेपाल डिफेन्स र ब्लकमा चुक्यो, जसले गर्दा २५–१४ र २५–१७ ले तेस्रो र चौथो सेट जित्दै क्यालिकटले सानदार शैलीमा उपाधि जित्यो।
क्यालिकट लिग चरणमा तेस्रो हुँदै र नेपाल दोस्रो हुँदै सेमिफाइनलमा पुगेका थिए। सेमिफाइनलमा क्यालिकटले इरानलाई र हेल्प नेपालले माल्दिभ्सको क्लब एचडिसीलाई हराएको थियो।
मंसिर २९, २०८१ शनिबार १९:२५:१३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
