एकीकृत समाजवादीले चुनाव हारेका नेताहरूलाई स्थायी सदस्यमा मनोनीत गर्यो
काठमाडौं : एकीकृत समाजवादीले स्थायी कमिटी सदस्यमा १७ नेता मनोनीत गरेको छ।
मनोनीत हुनेहरूमा रामकुमारी झाँक्री, डा विजय पौडेल, जीवनराम श्रेष्ठ, केशवराल श्रेष्ठ, हरिप्रसाद पराजुली, नागेन्द्र चौधरी, रामचन्द्र झा, विरोध खतिवडा, कल्याणी खड्का, डा वंशीधर मिश्र, बलराम बास्कोटा, शत्रुधन महतो, श्रीप्रसाद साह, विश्वनाथ प्याकुरेल, साध्यबहादुर भण्डारी, रामचन्द्र यादव र लक्ष्मण पौडेललाई थप गरेको छ।
एकीकृत समाजवादीले स्थायी सदस्यमा मनोनीत गरेका १७ मध्ये अधिकांश नेताहरू पार्टीको गएको महाधिवेशनमा पराजित भएकाहरू हुन्। त्यसमध्ये डा पौडेल, झाँक्री, झा, भण्डारी, केशवलाल श्रेष्ठ, खतिवडा र बास्कोटा उपाध्यक्षमा पराजित भएका थिए भने चौधरी, लक्ष्मण पौडेल, महतो, पराजुली, जीवनराम श्रेष्ठ, साह, उपमहासचिवमा पराजित भएका थिए।
मंसिर २९, २०८१ शनिबार १८:०६:२३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
