आज काठमाडौंमा वर्षकै चिसो
काठमाडौं : आज काठमाडौंमा यो वर्षकै बढी चिसो भएको छ।
निरन्तर ओरालो लागेको काठमाडौंको न्यूनतम तापक्रम आज यस वर्षकै सबैभन्दा कम भएको जल तथा मौसम विज्ञान विभाग अन्तर्गतको मौसम पूर्वानुमान महाशाखाले जनाएको छ।
महाशाखाका मौसमविद् सञ्जिव अधिकारीका अनुसार आज विहान काठमाडौंको न्यूनतम तापक्रम २.५ डिग्री सेल्सियस मापन गरिएको छ।
यसअघि हिजो काठमाडौंको न्यूनतम तापक्रम ३.१ डिग्री सेल्सियस मापन भएको थियो।
आकाशमा बादल नहुँदा र मौसम सफा हुँदा विहानमा अत्यधिक चिसो बढेको मौसमविद् अधिकारीले बताए। दिउँसोको तापक्रम भने १९ डिग्री सेल्सियसम्म पुग्ने महाशाखाको अनुमान छ।
मंसिर २९, २०८१ शनिबार ०७:३१:३९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
