चितवनमा ट्रक र बोलेरो जुध्दा एक जनाको मृत्यु, एक जना घाइते
नारायणगढ : चितवनमा ट्रक र बोलेरो ठक्कर खाँदा एक जनाको मृत्यु भएको छ।
गए राति पौने १२ बजे भरतपुर नगरपालिका-२९ दासढुङ्गामा भएको दुर्घटनामा अन्य एक जना घाइते भएका छन्।
नारायणघाट-मुग्लिङ सडक खण्डमा पोखराबाट नवलपरासी तर्फ आउँदै गरेको बा.प्र.०३-००१ख २५२४ नम्बरको खाली ट्रक र चितवनबाट काठमाडौंतर्फ जाँदै गरेको बा.प्र.०१-०३१च ०११३ नम्बरको कुखुरा बोकेको बोलेरो ठक्कर खाएको हो।
दुर्घटनामा बोलेरो चालक र बोलेरोमा सवार दुई जना घाईते भई नयाँ मेडिकल कलेज भरतपुरमा उपचारको लागि पठाईएको थियो। तर उपचारको क्रममा बोलेरोमा सवार उदयपुरका ३५ वर्षीय भिम कटुवालको मृत्यु भएको हो।
त्यसअलावा बोलेरो चालक दोलखा घर भएका २६ वर्षीय राम तामाङको टाउको, छाती र अनुहारमा चोट लागेर उपचार भइरहेको छ।
प्रहरीले ट्रक चालक रौतहट चन्द्रपुर नगरपालिका-६ बस्ने २४ वर्षीय सन्तोष चौधरी नियन्त्रणलाई लिएको छ।
मंसिर २८, २०८१ शुक्रबार १०:२२:५८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
