एनपीएलको आफ्नो अन्तिम खेलमा लुम्बिनीले टस जित्यो
काठमाडौं : नेपाल प्रिमियर लिग (एनपीएल)मा आफ्नो अन्तिम खेलमा लुम्बिनी लायन्सले टस जितेको छ।
त्रिवि क्रिकेट मैदानमा हुने खेलमा लुम्बिनीका कप्तान रोहित पौडेलले टस जितेर पहिला बलिङ रोजेका छन्।
यसअघि छ खेल खेलमा पारजित भएर प्लेअफ होडबाट बाहिरसकेको लुम्बिनी लिगकै अन्तिम खेल खेल्दैछ।
अर्कोतर्फ कर्णाली याक्स लुम्बिनीलाई हराएर प्लेअफ यात्रा अझ बलियो बनाउने लक्ष्यमा छ। पाँच खेल खेल्दा तीनमा जित र दुईमा हारबाट छ अंक जोडेको कर्णाली पाँचौं स्थानमा छ।
सुरुवाती दुई खेलमा पराजित भएपनि त्यसपछि लगातार तीन खेल जितेको कर्णाली लयमा छ र त्यो जितको लय कायम राख्न चाहन्छ।
लुम्बिनीलाई पराजित गरेमा कर्णालीको प्लेअफ सम्भावना बलियो हुनेछ।
मंसिर २८, २०८१ शुक्रबार ०८:४९:३७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
