एसिया कप खेल्ने महिला यु-१९ टिमको बिदाई
काठमाडौं : एसिसी महिला यु-१९ एसिया कपका लागि सहभागी हुने नेपाली टोलीलाई बिदाई गरिएको छ।
नेपाल क्रिकेट संघ (क्यान)ले बिहीबार एसिसी महिला यु-१९ एसिया कप खेल्ने नेपाली टोलीलाई बिदाई गरेको हो।
पूजा महतोको कप्तानीमा १५ सदस्यीय टोली घोषणा गरिएको छ। टोलीको उपकप्तानमा सोनी पाख्रिन तथा अन्य खेलाडीमा, साना प्रवीन, ज्यात्स्निका मरासिनी, कुसुम गोदार, एलिशाकुमारी यादव, सावित्री धामी, कृष्मा गुरुङ, तिर्सना विश्वकर्मा, किरणकुमारी कुँवर, रिया शर्मा, रचना चौधरी, सिमाना केसी, स्नेहा महरा र अनु कडायत छन्।
महिला यु-१९ एसिया कप यही मङ्सिर ३० देखि आगामी पुस ७ सम्म मलेसियामा हुँदैछ।
मंसिर २७, २०८१ बिहीबार १९:५४:५२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
