धोकाधडीको आरोपमा बलिउड अभिनेता धर्मेन्द्रलाई अदालतले बोलायो
एजेन्सी : बलिउड अभिनेता धर्मेन्द्र र अन्य दुई व्यक्तिमाथि धोकाधडीको आरोप लागेको छ। आरोपपछि उनीहरू तीनै जनालाई दिल्लीको पटियाला हाउस कोर्टले बोलाएको छ।
दिल्लीका एक व्यापारीले गरम धर्म ढाबाको फ्रान्चाइजी मामिलामा आफूलाई ठगी गरेको आरोपमा उजुरी दायर गरेका थिए।
भारतीय सञ्जारमाध्यम दैनिक भास्करका अनुसार त्यस उजुरीमा गरम धरम ढाबाको फ्रेंजाइजी मामिलामा उनीमाथि धोकाधडी भएको उल्लेख गरिएको छ।
उनले आफूलाई गरम धरम ढाबामा लगानी गर्न गलत निर्देशन गरेको बताएका छन्। ५ डिसेम्बरमा पहिलो जाँच गर्दा उजुरीकर्तामाथि लगानी गर्न प्रेरित गरेर धोकाधडी गरेको खुलेको छ।
अदालतले धर्मेन्द्र र अन्य दुई व्यक्तिमाथि धोकाधडीको धारा ४२०, षड्यन्त्रको धारा १२० बी र समान अपराधको धारा ३४ आईपीसी पेश गरेको छ।
धर्मेन्द्र र अन्य दुई व्यक्तिले दिल्लीको कर्नाट प्लेस र हरियाणाको मुरथलमा महिनाको लगभग ७० देखि ९० लाखको कमाइ हुने बताएका थिए। लगानीकर्तालाई ४१ लाख भारू लगानी गरेबापत सात प्रतिशत नाफा दिने बताएको थियो। पछि उनलाई ६३ लाख ट्याक्सको लागि र व्यापारको लागि ठाउँको व्यवस्था गर्न बताइएको थियो।
अदालतले गरम धरम ढाबाको लोगोसहितको आशय पत्र र अन्य कागजातले उक्त कारोबारमा रेस्टुरेन्ट संलग्न रहेको देखाएको पनि बताएको छ।
मंसिर २६, २०८१ बुधबार १९:०२:५६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
