एनपीएलमा आज ‘हाइ भोल्टेज’ म्याच, तर त्रिवि क्रिकेट मैदानभरी तुसारो

काठमाडौं : नेपाल प्रिमियर लिग (एनपीएल) हुने त्रिभुवन विश्वविद्यालय क्रिकेट मैदानमा तुसारो जमेको छ।

काठमाडौंमा चिसो बढेसँगै मैदानमा तुसारो जमेको हो। अहिले ग्राउन्ड स्टाफले तुसारो हटाउने प्रयास जारी राखेका छन्।

एनपीएलमा आज ‘हाइ भोल्टेज’ खेल हुँदैछ। अंकतालिकाको शीर्ष स्थानमा रहेको जनकपुरले आज दोस्रो स्थानमा रहेको सुदूरपश्चिम रोयल्ससँग भिड्दैछ।

पछिल्ला चार खेल हेर्दा दुवै टोलीबीचको खेल रोमाञ्चक हुने देखिएको छ। आजको खेल हेर्नका लागि त्रिवि मैदानमा दर्शकहरू पुग्न थालिसकेका छन् भने खेलाडी पनि मैदानमा पुगेर वार्मअप गरिरहेका छन्।

आजको खेलको भीआईपी र सिद्धार्थ बैंक जोन टिकट दुई दिनअघि देखि नै सोल्डआउट भइसकेको थियो। अहिले जोन २ र जोन ३ का केही टिकट भने बाँकी छन्।

चारमध्ये तीन खेलमा विजयी सुदूरपश्चिम दीपेन्द्रसिंह ऐरीको कप्तानीमा हुँदा अपराजित जनकपुर अनिल शाहको कप्तानीमा छ।

मंसिर २६, २०८१ बुधबार ०८:१०:३८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।