एनपीएल : त्रिविमा आज शीर्ष दुई टोली भिड्दै
काठमाडौं : नेपाल प्रिमियर लिग (एनपीएल)मा आज अंकतालिकाको शीर्ष स्थानमा रहेका दुई टीम जनकपुर बोल्ट्स र सुदूरपश्चिम रोयल्सले एकअर्काको सामना गर्दैछन्।
दुवैबीचको खेल त्रिवि क्रिकेट मैदानमा विहान नौ बजे शुरू हुनेछ। जनकपुर र सुदूरपश्चिमको खेलमा समर्थकहरु बाक्लो रुपमा त्रिवि मैदान ओर्लिन्छन्। जारी प्रतियोगितामा जनकपुर अपराजित एक मात्र टोली हो।
चार खेलमा आठ अंक जोडेको जनकपुर तालिकाको शीर्ष स्थानमा छ। सुरुआती तीन खेलमा जित हासिल गरेको सुदूरपश्चिम ६ अंकका साथ दोस्रो स्थानमा छ।
आज जनकपुरलाई हराए सुदूरपश्चिम नेट रनरेटका आधारमा शीर्ष स्थानमा उक्लनेछ। एक त शीर्ष स्थानको लडाई अनि समर्थकबीचको घम्साघम्सी, यही कारण हो आजको खेल रोमाञ्चक हुने अनुमान गर्न सकिन्छ।
मंसिर २६, २०८१ बुधबार ०७:०९:२४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
