एनपीएलमा कर्णालीविरुद्ध पोखराले टस जित्यो
काठमाडौं : नेपाल प्रिमियर लिग(एनपीएल)को नवौं दिनको दोस्रो खेलमा कर्णाली याक्सविरुद्ध पोखरा एभेन्जर्सले टस जितेको छ।
टियु क्रिकेट मैदानमा टस जितेर पोखराका कप्तान कुशल भुर्तेलले ब्याटिङ रोजेका हुन्।
सुरुवाती दुई खेलमा हार बेहोरेर प्रतियोगिताको खराब सुरुवात गरेको कर्णालीले पछिल्लो दुई खेल भने जितेको छ।
कर्णाली चार अंकका साथ तालिकाको चौथो स्थानमा छ। जनकपुर र काठमाडौंसँग पराजित कर्णालीले विराटनगर र चितवनमाथि जित निकालेको थियो।
तीन खेलमा पोखरा दुई अंकका साथ तालिकाको पाँचौ स्थानमा छ।
पहिलो खेलमा चितवन र दोस्रो खेलमा जनकपुरसँग पराजित पोखराले पछिल्लो खेलमा लुम्बिनीमाथि जित हात पारेको थियो।
शुक्रबार लुम्बिनीविरुद्ध खेलेको टिममा पोखराले कुनै परिवर्तन गरेको छैन।
मंसिर २५, २०८१ मंगलबार १२:५५:५० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
