एनपिएलको दोस्रो खेलमा सुदूरपश्चिम र चितवन भिड्दै, दुई अलराउण्डरबीचको प्रतिस्पर्धा रोमाञ्चक हुने अनुमान

काठमाडौं : नेपाल प्रिमियर लिग एनपिएल अन्तर्गत आजको दोस्रो खेलमा सुदूरपश्चिम रोयल्स र चितवन राइनोजले प्रतिस्पर्धा गर्दैछन्। कीर्तिपुरस्थित त्रिवि क्रिकेट मैदानमा यो खेलदिउँसो १ बजे सुरू हुनेछ।
 
दाँयाहाते अलराउण्डर दीपेन्द्र सिंह ऐरीको कप्तानीमा सुदूरपश्चिमले सुरुवाती तीनवटै खेल जितेको छ।  

उता चितवनले पनि तीनमध्ये दुई खेल जितेको छ। तर, बाँयाहाते अलराउण्डर कुशल मल्लको कप्तानीमा रहेको चितवनको जारी एनपिएलमा राम्रो प्रदर्शन देखिएको छ। 

राष्ट्रिय टिमका दुई अलराउण्डरबीचको प्रतिस्पर्धा हुने मानिएको यो खेल रोमाञ्चक हुने अनुमान छ। 

सुदूरपश्चिम ६ अंकसहितशीर्ष स्थानमा छ भने एक खेल गुमाएको चितवन चार अंकसहित तेस्रो स्थानमा छ।

नेपाल क्रिकेट संघ (क्यान)को आयोजनामा जारी एनपिएल पुस ६ सम्म चल्नेछ। प्रतियोगितामा आठ टोलीको सहभागिता छ।

मंसिर २३, २०८१ आइतबार ०८:३२:१३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।