एनपीएलमा विराटनगरले टस जित्यो
काठमाडौं : नेपाल प्रिमियर लिग(एनपीएल)मा सातौं दिनको दोस्रो खेलमा कर्णाली याक्सविरुद्ध विराटनगर किंग्सले टस जितेको छ।
कीर्तिपुरस्थित टियु मैदानमा टस जितेर विराटनगर किंग्सका कप्तान सन्दीप लामिछानेले बलिङ रोजेका हुन्।
विराटनगरले पछिल्लो खेलमा खेलेको टिममा ३ परिवर्तन गरेको छ।
अनिल खरेल, राजेश पुलामी मगर तथा इस्मात आलम बेन्चमा रहँदा सुवास भन्डारी, नरेन भट्ट र अकिब इल्यासले खेलमा मौका पाएका छन्।
यता कर्णालीले भने आफ्नो पुरानै टोलीमाथि विश्वास गरेको छ।
जारी एनपीएलमा कर्णाली याक्सले तीन खेल खेलेको छ। जसमा दुईवटामा पराजित हुँदा एक खेल मात्रै जितेको छ।
तीन खेल खेलेको विराटनगर किङ्गसले पनि यसअघि दुई खेलमा हार भोग्दै एक खेल जित निकालेको थियो।
मंसिर २२, २०८१ शनिबार १२:५६:३६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
