बुद्ध एयरले थप्यो १९औं एटिआर विमान
काठमाडौं : निजी क्षेत्रको हवाई कम्पनी बुद्ध एयरले १९औं एटिआर विमान भित्र्याएको छ।
नयाँ एटिआर-७२ विमान थपेसँगै कम्पनीसँग एटिआर-७२ सिरिजका विमानको सङ्ख्या १६ पुगेको छ।
नयाँ विमानको आवश्यक कागजी प्रक्रिया पुर्याइ डिसेम्बर महिनाको अन्त्यबाट व्यावसायिक उडानमा ल्याइने बुद्ध एयरले विज्ञप्तिमार्फत जनाएको छ।
बुद्ध एयरले कल साईन नाईन एन-एओजी विमान फ्रान्सको एटिआर कम्पनी, तुलुसबाट खरिद गरेर ल्याएको जनाएको छ।
हाल सो कम्पनीसँग तीन वटा एटिआर-४२-३२० र १६ वटा एटिआर-७२-५०० जहाज रहेका छन्।
हवाई उडानलाई सहज र सरल बनाउने प्रतिबद्धताअनुरूप नयाँ विमान थप गरिएको बुद्ध एयरका बजार निर्देशक रुपेश जोशीले जानकारी दिए।
बुद्ध एयरले आन्तरिकतर्फ हाल दैनिक एकसय ४० भन्दा बढी उडान भरिरहेको जनाएको छ।
मंसिर २१, २०८१ शुक्रबार २२:३१:१७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
