मकवानपुरमा ट्रिपर दुर्घटनामा चालकको मृत्यु
मकवानपुर : मकवानपुरमा ट्रिपर दुर्घटनामा चालकको मृत्यु भएको छ।
मकवानपुरको बकैया गाउँपालिका वडा नम्बर-५ झाक्रीडाँडा नजिक निर्माणाधिन तराई-काठमाडौं द्रुतमार्गमा ट्रिपर दुर्घटना हुँदा चालकको मृत्यु भएको हो।
हात्तिसुडेबाट फास्ट ट्रयाकको बाटोको लागि ग्रावेल लोड लिई जाँदै गरेको ना ८ ख २४३० नम्बरको ट्रिपर आफैँ अनियन्त्रित भई सडकबाट ३० मिटर तल खोल्सामा खसेको हो।
दुर्घटनामा ट्रिपर चालक चितवन घर भएका ४२ वर्षीय सानु लो तामाङको च्यापिएर मृत्यु भएको जिल्ला प्रहरी कार्यालय मकवानपुरका प्रहरी नायब उपरिक्षक लक्ष्मी भण्डारीले जानकारी दिए।
मंसिर २१, २०८१ शुक्रबार १३:२७:२१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
