झापामा बस र मोटरसाइकल एकआपसमा ठोकिँदा एक जनाको मृत्यु

बनियानी : झापाको मेचीनगर नगरपालिका-११ स्थित तेलिबारीमा आज दिउँसो बस र मोटरसाइकल एकआपसमा ठोकिँदा एक जनाको मृत्यु भएको छ।

दुर्घटनामा मोटरसाइकल चालक भद्रपुर नगरपालिका-१० का ५५ वर्षीय किसन न्यौपाने मृत्यु भएको जिल्ला प्रहरी कार्यालय झापाका प्रवक्ता डिएसपी कृष्णकुमार चन्दले जानकारी दिए।

पूर्व-पश्चिम राजमार्ग अन्तर्गत मेचीनगर-११ स्थित तेलिबारी बागमती प्र–०१– ००६ ख ४९०९ नम्बरको बस र मे १० प ३५७२ नम्बरको मोटरसाइकल एक आपसमा ठोकिँदा मोटरसाइकल चालक न्यौपाने गम्भीर घाइते भएका थिए। 

उपचारका लागि बीएण्डसी अस्पताल बिर्तामोड लगिएकोमा अस्पताल पुर्याउना साथ चिकित्सकले न्यौपानेलाई मृत घोषित गरेका थिए।

बस चालक उदयपुर चौदण्डीगढी नगरपालिका-६ का ४२ वर्षीय विजयकुमार यादव इलाका प्रहरी कार्यालय धुलाबारीको नियन्त्रणमा रहेको जिल्ला प्रहरी कार्यालय झापाले जनाएको छ। 

मंसिर १८, २०८१ मंगलबार २०:३९:०७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।