चितवनका बलर चम्कँदा ८७ रनले हार्यो पोखरा एभेन्जर्स
काठमाडौँ : एक सय ६२ रनको लक्ष्य लिएर मैदानमा उत्रिएको पोखरा एभेन्जर्सका ब्याटर चल्न नसक्दा चितवनसँग ८७ रनले पराजित भयो। नेपाल प्रिमियर लिगको तेस्रो दिनको दोस्रो खेलमा चितवन राइनोजको एक सय ६२ रनको चुनौती सामना गर्न मैदानमा उत्रिएको पोखरा एभेन्जर्सको सुरुवात निकै कमजोर देखियो।
टस जितेर पहिला बलिङ रोजेको पोखराका ब्याटर चितवनका बलरसामु निकै निरीह देखिएका छन्। चार ओभरमा सात रन बनाएको टिमको ६ विकेट गइसकेको थियो। पोखराका दुई ब्याटरले मात्रै दुई अङ्कको रन बनाउन सके। नारायणले ३० र क्याथ्लीले १७ रन जोडेका थिए। अन्य ब्याटरहरु सस्तैमा आउट भए।
चितवनको यो दोस्रो खेल हो भने पोखराको पहिलो। चितवनले यस अगाडि काठमाडौँ गुर्खाजलाई पाँच विकेटले हराएको थियो।
मंसिर १८, २०८१ मंगलबार १६:००:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
