एमालेलाई ३४ मतले हराउँदै उदयपुरको बेलका-९ मा माओवादीका भरत विजयी
उदयपुर : बेलका नगरपालिका-९ मा भएको उपनिर्वाचनमा नेपाल माओवादी केन्द्रका भरत घिमिरेले पाँच सय ५९ मत प्राप्त गरी वडाध्यक्ष पदमा निर्वाचित भएका छन्।
आइतबार राति मतगणनाका क्रममा बदर मतलाई लिएर विवाद भई गणना कार्य स्थगित भएपछि सोमबार दिउँसोदेखि सुरू भएको गणना राति ११ बजे सकिएको थियो।
घिमिरेका निकटतम् प्रतिद्वन्द्वी एमालेका मोहन खड्काले पाँच सय २५ मत प्राप्त गरे भने नेपाली कांग्रेसका नवराज बस्नेतले चार सय चार मत पाएको निर्वाचन अधिकृत कार्यालयका सूचना अधिकारी सुरेश पोखरेलले जानकारी दिए।
माओवादी केन्द्रका घिमिरेले एमालेका खड्कालाई ३४ मतले पराजित गर्दै वडाध्यक्ष पदमा विजयी भएको बेलका-९ को निर्वाचन अधिकृतको कार्यालयले जनाएको छ।
बेलका-९ मा कूल मतदाता सङ्ख्या तीन हजार एक सय ४७ रहेकामा एक हजार आठ सय ८७ मत खसेको थियो।
मंसिर १८, २०८१ मंगलबार १४:५९:१४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
