उपनिर्वाचनको नतिजा अन्तिमतिर, एक सिटले एमालेलाई माओवादीले जित्यो
काठमाडौं : स्थानीय तह उपनिर्वाचनको नतिजा अन्तिमतिर पुग्नैलाग्दा माओवादी केन्द्रले एक सिटले एमालेलाई पछि पारेको छ।
एमालेले वडा अध्यक्षमा ५ पद जित्दा माओवादीले ६ स्थानमा जित हासिल गरेको छ।
यसैगरी गाउँपालिका अध्यक्षमा एमाले र माओवादीले १/१ पदमा विजय हासिल गर्दा उपमेयर/उपाध्यक्षमा पनि १/१ स्थानमा जित हासिल गरेको निर्वाचन आयोगले जनाएको छ।
माओवादीले मोरङको ग्रामथान गाउँपालिकामा नमोनारायण माझी र जाजरकोटको नलगाडको उपमेयरमा देवका लामिछानेलाई विजयी गराउन सफल भयो।
एमालेले दैलेखको महाबु गाउँपालिकाको अध्यक्षमा जंगबहादुर शाही र बाजुराको स्वामीकार्तिक खापर गाउँपालिकाको उपाध्यक्षमा सुलोचनाकुमारी भण्डारी बुढालाई विजयी गरायो।
मंसिर १७, २०८१ सोमबार १३:४९:५८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
