एमएडब्लू ग्रुप ‘फोटोन ग्लोबल अवार्ड्स २०२४’मा सम्मानित
काठमाडौं : विद्युतीय सवारी साधन (ईभी) बिक्री गर्दै आइरहेको एमएडब्लू ग्रुपले ‘फोटोन ग्लोबल अवार्ड २०२४’ मा दुई वटा महत्वपूर्ण सम्मान प्राप्त गर्दै विश्वव्यापी मञ्चमा आफ्नो मान्यता स्थापित गरेको छ।
अवार्ड कार्यक्रममा एमएडब्लू ग्रुपका प्रबन्ध निर्देशक विष्णु कुमार अग्रवाललाई लिडरशिप इन न्यु इनर्जी प्रोमोसन अवार्ड २०२४ प्रदान गरिएको थियो।
यो मान्यताले नेपालमा फोटोन ईभी सवारी साधनहरू अपनाउँदै दिगो ऊर्जा समाधानतर्फ राष्ट्रको यात्रामा अग्रणी भूमिका निर्वाह गर्ने एमएडब्लू वृद्धि कमर्शियलको महत्त्वपूर्ण भूमिकालाई सम्मान गर्ने कम्पनीले जनाएको छ।
ग्रुपलाई थप पहिचान दिलाउने क्रममा एमएडब्लू वृद्धि कमर्शियलका सीईओ तुषार गुप्ताले नेपालमा ईभी भ्यानका लागि एक्सेलेन्स इन सेल्स अवार्ड २०२४ प्राप्त गरेका थिए।
यस उपलब्धिले एमएडब्लू ग्रुपको अतुलनीय बिक्री सफलता र यस क्षेत्रमा ईभी बजारलाई पुन: परिभाषित गर्ने नवीन रणनीतिहरूलाई प्रकाश पार्ने कम्पनीको भनाइ छ।
अवार्डहरू फोटोन ग्रुपका उपाध्यक्ष र फोटोन ओभरसिज बिजनेसका अध्यक्ष फू जुन स्वयमले प्रदान गरेका थिए।
मंसिर १६, २०८१ आइतबार १९:०७:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
