एनपिएलको उद्घाटन खेलमा विराटनगर किङ्ग्सविरुद्ध जनकपुरका मिलन्थाको अर्धशतक

काठमाडौं : जनकपुर बोल्ट्सका लाहिरू मिलन्थाले विराटनगर किङ्ग्सविरुद्ध अर्धशतक पूरा गरेका गरेका छन्। आज टीयू क्रिकेट मैदान कीर्तिपुरमा सम्पन्न खेलमा मिलन्थाले विराटनगर किङ्ग्सविरुद्ध अर्धशतक पूरा गरे।

योसँगै उद्घाटन खेलमा जनकपुरले विराटनगरलाई आठ विकेटले पराजित गरेको छ। 

अमेरिकामा बसेर क्रिकेट खेल्ने श्रीलङ्काका मिलन्थाले ३९ बलमा दुई छक्का र चार चौका प्रहार गर्दै अर्धशतक पूरा गरेका हुन्। पहिलो संस्करणको नेपाल प्रिमियर लिग एनपिएलमा अर्धशतक बनाउने उनी दोस्रो खेलाडी बनेका छन्। 

यसअघि न्यूजिल्याण्डका पूर्वओपनर ब्याटर मार्टिन गप्टिलले जनकपुर बोल्ट्सविरुद्ध विराटनगर किङ्ग्सको तर्फबाट अर्धशतक प्रहार गरेका थिए। उनले ३६ बलमा सात चौका र एक छक्कासहित ५० रन बनाए।

गप्टिलले विराटनगरको लागि अर्धशतक प्रहार गर्दै सर्वाधिक ५५ रन बनाएर आउट भएका थिए। 

मंसिर १५, २०८१ शनिबार १६:२६:०८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।